Happily Ever After

"يسرا كالعادة في أسلوبك وطريقتك نورت معايا. وحسيت إننا فعلا السبب في ردود أفعالنا مش اللي قدامنا. زتد يقيني بأهمية إن الإنسان يشتغل على نفسه. ممتنة ليكي جدا على جهدك في كل معلومة بتعلميهلنا بجد بتكون بصدق وإخلاص. ممتنة لتعبك وشرحك وطريقتك اللي بتفرق معايا وبتشجعني جدا. ربنا يبارك في علمك ووقتك"​

"الكورس أول طريقي للسلام النفسي ومصاحبة نفسي وتقبلها وتقبل آدميتي .. بقيت شايفة الأمور من منظور آخر وبقيت أهدى وأكثر قدرة على التفكير بمنطقية وفهم نفسي وتقبل زوجي وفهم احتياجاته وتقبل اختلافاته وفهمها"

"ربنا يجازيكي كل خير أ. يسرا

حقيقي كل كلمة في الكورس بتفرق ومش عارفة ازاي

لكن من يوم ليوم بتفرق

أنا كنت عارفة إن الكلام لما يتعاد بيفرق لكن متخيلتش إن أثره يكون فارق كده

الكلمة حتى لو عارفاها كانت بتسمّع في حاجات تانية وبتنوّر في أماكن تانية خالص

ربنا يزيدك إخلاص وعلم وتأثير ويستخدمك للأبد

ويجعل كل نور بتنوريه فينا في ميزانك"

"بدون أي مبالغة أنا بعتبر الكورس ده أحسن حاجة عملتها لنفسي خلال حياتي كلها. قبل الكورس كنت بمر بأسوأ فترات حياتي .. وطول الوقت مخنوقة ومعنديش طاقة لأي حاجة. وحاسة إني مليش قيمة وإني أم فاشلة وزوجة مقصرة وشايفة كل حاجة بنضارة سودا

من تاني محاضرة حسيت إني بقيت حد تاني .. أو إني كنت في أوضة ضلمة وفجأة حد جه فتح النور. دماغي حرفيا نورت .. فهمت اللي أنا فيه كله سببه ايه وفهمت ازاي أتعامل معاه. وازاي أتحمل مسؤولية حياتي وأنا اللي أمسك زمامها مش الناس. حاجات كتير نورت معايا وفهمت معنى إني أحرر الآخرين من مسؤوليتي .. والحقيقة أنا اتحررت"

"حاجة مهمة عاوزة أقولها عن الكورس

إنتي قدرتي تبسطي علم النفس لغير المتخصصين

وتعطي العلم بطريقة تنفع الناس في حياتها

ودي حاجة مش سهل أي حد يعملها

شكرا ليكي"

"يسرا الجميلة .. مهما قلت مش هعرف أعبر عن إخلاصك وتعبك واهتمامك بتوصيل المعل ومة. وطريقتك السلسة والنور اللي كنتي بتنوريه جوانا

كانت رحلة ممتعة وجميلة وربنا بصرني فيها بحاجات كتير

حاسة إني طالعة منها عارفة أصاحب نفسي وأتعامل معاها

وبشكرك جدا على هديتك الجميل ة آخر الكورس وإنك عاوزة تطمني علينا إننا هنكمل وبتساعدينا ننظم أفكارنا"